Sindhu a chak zel

Indonesia Open Super 1000 tournament khelh laiah PV Sindhu a chak zel. Indian nula hian nimin khan South Korean star Sim Yujin hnehin semifinal a inhlangkai.

Seeded pathumna Sindhu hian darkar khat leh minute ruk chhungin Yujin hi 14-21, 21-19, 21-14 in a hneh a, a match lehpekah chuan Asuka Takahashi leh Ratchanok Intanon te inkhela chak zawk a hmachhawn leh ang.

Olympic medal vawi hnih la tawh Sindhu chu world champion ni lai a ni. Tokyo 2020 hnuah chuan tun ṭum hi inelna a hmachhawn fuh leh ber a ni a, semifinal-a tawpsan mai a duh dawn lo.