Tsitsipas-a kiu an zai

Mipa tennis world number 4 Stefanos Tsitsipas chu a kui dinglam hliam zai a ni a, tunah chuan a rang thei ang bera dam leh turin a inenkawl mek - rilru hah loa inenkawl a duh thu a sawi chhuak.

ATP Finals khelh zawh takah khan Tsitsipas hi a inlan, mahse a hliam vang hian a inhnukdawk. Tun hnaiah khan hlawhtling taka zai a ni a, a lo kir hun tur tak erawh chiang taka sawi theih a la ni lo.

Greek tlangval Tsitsipas chuan, "Harsatna kan tawh hian zirlai thar kan zir tel zel tihna a ni. Tun hma zawng aiin thil a harsa zawk tawh dawn tih pawh ka hriat tel a ngai, a rang thei ang bera ka dam leh theih nan inenkawlna pawh ka uluk ang," a ti.

Kum 23 mi Tsitsipas hian June thla khan French Open-ah final a lut, mahse world number 1 Novak Djokovic a ngam lo. Nakkum January 17 aṭanga khelh tur Australian Open chu khelh theih ngei a inbeisei.