Paine a chawl rih dawn

Australia Test captain hlui Tim Paine chuan Ashes series a khel dawn lo a, cricket aṭangin a chawl rih dawn.

Wicketkeeper Paine hi kar liam ta khan captain aṭangin a inhnukdawk a, Cricket Australia (CA) chuan a thutlukna an pawmpui.

Paine hian kum 2017 khan a thawhpui zahmawh rawngkaiin a bia a, tuna mipui hriata a rawn darh avangin captain ṭanga a ban bakah cricket career thlengin a nghawng. Amah hi kum 36 mi a nih tawh avangin ram tan a inlan a rinawm tawh lo.

Test inelna ngaihhlut Ashes Test chu December 8-12 chhung hian first Test khelh a ni dawn a, fast bowler Pat Cummins-a'n captain hna a chelh ang.