Magpies-ah Korea captain

Premier League club Newcastle United chuan South Korea captain Ki Sung-yueng chu Swansea City aṭangin kum hnih chhung atan an lalut, Swans hi season tharah chuan Championship lama inlan tur an nih avangin an player ṭha an chelh thei lo.

Kum 29 mi Ki Sung-yueng hian June thla rawp rualin a contract a hmang zo dawn a, July 1 aṭangin Magpies training-na lamah a hmel a lan thei ang. Ki hi World Cup khelin Russia-ah a zin a, champion lai Germany an hneh ṭumin hliam tenau a tuar.

Ki-a te ram South Korea hi World Cup-a an match hmasa pahnihah an chak lo a, beisei an nei tawh loh hnuah Ger­many chu 2-0 in an hneh. Last 16 lut phak lo mah se an huaisenna leh inpumkhatna chuan fak a hlawh hle.

Newcastle boss Rafael Benitez chuan, "Ki a rawn kal hi ka lawm a, club chuan lawm takin kan lo dawngsawng a ni. An ram captain ni thei a ni a, player ṭha a nih bakah hruaitu a nih­na hi kan squad tan a ṭang­kai dawn a ni," tiin a sawi.

Tun nipui bazar chhung­in Newcastle chuan loan hmanga an hawh goalkeeper Martin Dubravka chu an la nghet tawh a, Ki hi St James' Park-a player an neih thar pahnihna chiah a ni.