Kin Dan hnehtu Prannoy

Nimin khan 2018 BWF Indo­nesia Open khelh ṭan a ni a, India tlangval HS Prannoy chuan world number 1 hlui Lin Dan lakah 21-15, 9-21, 21-14 a hnehna changin second round a inhlangkai.

Kum 25 mi Prannoy hi tun hnaiah a khel ṭha a, tun ṭumah hian seeded pariatna niin, a khingpui Lin Dan erawh seeded a ni phak lo. Chinese legend Lin Dan hi kum 34 mi a ni tawh a, tun hnaiah result ṭha a nei ta meuh lo. Istora Gelora Bung Karno, Jakarta-a inkhelah Indian shuttler hian bul a ṭan ṭha a, set hnihna hloh mah se set thumnaah hmahruaitu ni chhoin harsa lutuk loin a tlang.

BWF Indonesia Open-ah hian Indian shuttler langsar leh cham­pion lai ni bawk Kidambi Sri­kanth bakah hmeichhe player ṭha PV Sindhu leh Saina Nehwal te pawh an inlan a, he thu buatsaih lai hian result kan hre hman lo.