Saina Nehwal-i'n second round lut

Indonesia Open badminton tournament khelh mekah Saina Nehwal chuan Dinar Dyah Ayus­tine hnehin second round a lut a, Saina hma hian Indian tlangval HS Prannoy chuan Lin Dan a lo hneh tawh bawk a ni.

Thawhlehnia inkhelah world number 1 hlui Saina hian 21-12, 21-12 in hnehna a chang a, India nula hian first round paltlang tur hian minute 35 bak a mamawh lo. Saina hian bul a ṭan fuh a, set hmasa zawkah 7-2 a hmahruai nghalin a tawp thlengin a chungnung zawkah a ṭang.

Inkhel dangah Sameer Verma chuan Rasmus Gemke chu 21-9, 12-21, 22-20 a hnehin mipa singles second round a lut ve bawk a, Indian shuttler dang women's doubles pair Jakkampudi Meghana leh Poorvisha S Ram te ṭangdun erawh Indonesian pair Agatha Imanuela leh Siti Fadia Silva Ramadhanti te lakah 11-21, 18-21 in an chak lo thung a ni.

India medal beiseina leh cham­pion lai ni bawk Kidambi Srikanth leh Rio Olympic silver medalist PV Sindhu ten nimin khan an match hmasa ber an khel a, he thu buatsaih lai hian an result kan hre hman lo.