Aaron Finch-a'n T20 record a siam

Australia captain Aaron Finch chuan ama record siam tawh sa khumin Twenty20 international-a run siam hnem ber record thar a siam a, nimin khan Zimbabwe lakah run 172 a vaw chhuak.

Finch hian kum 2013 khan England lakah run 156 siamin Twenty20 international-a run siam hnem ber record a lo siam tawh a, ama record siam vek hi ball 76 lek a hmachhawnah a rawn khum leh ta a ni.

Twenty20 match hrim hrima run siam hnem ber record erawh Chris Gayle-a'n run 175 a siam kha a la ni reng thung.

Australia hian ni­mina T20 international inkhelah hian run 229 vaw chhuakin wicket hnih chiah an hloh a, run 129 chiah siama wicket kua hlohtu Zimbabwe tan cho rual an ni lo.