Arsenal-ah Chambers a nghet

Arsenal central defen­der Calum Chambers chuan kum li dang cham chhun­zawm turin North London club tan contract thar a ziak a, nikuma kum hnih daih contract a ziah tawh chu a ziak nawn leh hma hle.

Kum 23 mi Chambers hian 2014 khan Southamp­­ton aṭangin Gunners hi a zawm a, match 48 khel tawh­in a laiah leh a sirah chhawr kawp a ni fo. Cham­­­bers an thlung nghet hi tlar­hnung lam thuam chak mek manager Unai Emery tan chanchin ṭha a ni ang.

Paris St-Germain leh Sevilla manager hlui Emery chuan, "Calum hian season hmasa khan hmun pawimawh tak a chang tih ka hria a, he hmun a cham zui tur hi ka lawm takzet," tiin a sawi. England tana match thum khel tawhtu hian club tana theihtawp a chhuah chhunzawm tur thu a sawi ve bawk.