Bagan-in East Bengal sawp

Inrinni zan khan Kolkata derby-ah ATK Mohun Bagan chuan 3-0 in East Bengal an sawp a, Bagan tan Roy Krishna, Manvir Singh leh Liston Colaco ten goal khat ṭheuh an khung - East Bengal-in chhanletna tur an nei ve lo.

East Bengal tan rawlthar beiseiawm Lalrinliana Hnamte chuan derby boruak sangah bul a ṭan a, mahse, yellow card a hmuh avangin coach Manolo Díaz chuan minute 33-naah a la chhuak.

Inrinni zan inkhel hnuhnung zawkah Hyderabad chuan 3-1 in Mumbai City an hneh a, Mumbai tan Ahmed Jahouh chuan minute rukna lekah goal hmahruai khung mah se Joao Victor (penalty), Bartholomew Ogbeche leh Rohit Danu ten goal khat ṭheuh khungin an chhanglet.

Lalengmawia'n Mumbai club tan bul ṭan mah se danglamna a thlen thei bik lo a, Hyderabad lamah Mizo player inlan an awm lo thung.

Zirtawpni zan inkhelah Jamshedpur chuan 3-1 in Goa an timualpho a, Nerijus Valskis chuan goal hnih khungin Jordan Murray chuan goal khat a khung bawk - Goa tana Airam Cabrera goal khungin awmzia a nei lo.

Goan club tan Lalhma-ngaihsanga chu minute 63-naah luhtir a ni a, Jamshedpur lamah defender Laldinliana Renthlei leh Ricky Lallawmawma ten bul an ṭan a, PC Laldinpuia chu bench lamah a awm tluan thung.

November 26, Zirtawpni Zan
FC Goa 1 - 3 Jamshedpur FC
FCG: Airam Cabrera 86'
JAM: Nerijus Valskis 51', 61'; Jordan Murray 80'
November 27, Inrinni Zan
East Bengal 0 - 3 ATK Mohun Bagan
AMB: Roy Krishna 12’; Manvir Singh 14’; Liston Colaco 23’
Mumbai City 1 - 3 Hyderabad FC
MUM: Ahmed Jahouh 6’
HYD: Joao Victor 13' (P); Bartholomew Ogbeche 53’; Rohit Danu 82’
Zanin Inkhel Tur
NorthEast United 7:30 pm Chennaiyin