Gopichand Academy-ah Mizo

India rama badminton academy ṭha zinga mi Pullela Gopichand Badminton Academy-ah full sponsorship coaching kal thei turin Mizo naupangte thlan an ni.

TATA Trusts hmalakna in, academy a trial nei tura kal batch hmasa zawk aṭangin Mizo naupang pasarih chu awm chhunzawm tur leh badminton zir chhunzawm thei tura thlanchhuah an ni.

Gopichand Academy a zir turte hian hostel awm man, ei leh in man leh National Tournament-a an khelhna tur senso nen lam engmah an chawi a ngai dawn lo. TATA Trusts lamin an tumsak vek dawn.

Vawiin hian Gopichand Academy a trial nei tur batch hnihna chuan Mizoram an chhuahsan dawn bawk a ni.

# Hming Kum Khua/Veng
1 Malsawmzuala 14 Serchhip
2 C. Lalramsanga 14 Durtlang
3 Malsawmhlua 12 Serchhip
4 H. Lalrinhlui 12 Chanmari West
5 Zosangpuia 12 Sihphir
6 Joseph VL Ringngheta 18 Kulikawn
7 H. Lalṭhazuala 14 Chanmari West