Yellow Card vanga hrem theih dan chungchang

FIFA World Cup-ah hian yellow card hi inkhelh zawhah a thi nghal mai lo a, quarterfinal zawhah chiah tihbo a ni dawn. He dan hman a nih takah chuan yellow card hmu tawh pawhin semifinal-ah hmu nawn se final an khel thei dawn tihna a ni a, amaherawhchu semifinal-a red card hmute erawh final-ah an inlan thei dawn lo.

Ṭum hnih yellow card hmute chu match khat inkhel thei lo tura hrem an ni a. Quarterfinal khel tur zingah pawh hian yellow card hmu tawh an awm nual a, an hmu nawn a nih chuan semifinal an khel lo ang. Brazil midfielder Casemiro leh Sweden defender Mikael Lustig te chu last 16-a Mexico leh Switzerland an hneh ṭuma yellow card vawi hnihna an hmuh avangin Belgium leh England nen an inlan dawn lo.

FIFA hian tuna an dan hman lai hi 2010 World Cup aṭang khan an hmang ṭan a, tun hmain he dan avang hian player langsarin final an khelh theih loh phah. Kum 2002 khan Germany captain Michael Ballack chu South Korea nena semifinal an inkhelah yellow card a hmuh avangin final a khel thei lo.

Tun thlenga khawvel hriat zui erawh England midfielder Paul Gascoigne chu West Germany nen 90 WC semifinal-a an inhmachhawn ṭumin yellow card hmuh vangin a mittui a tla hial a, amaherawhchu penalty shootout-ah Germany an chak tak tho avangin awmzia erawh a awm ta lo.

Yellow card hmu tawhte chu:
Uruguay: Rodrigo Bentancur
France: Paul Pogba, Corentin Tolisso, Benjamin Pavard, Olivier Giroud
Brazil: Philippe Coutinho, Neymar, Felipe Luis
Belgium: Thomas Meunier, Jan Vertonghen, Kevin De Bruyne, Youri Tielemans, Leander Dendoncker
Sweden: Viktor Claesson, Albin Ekdal
England: Jordan Henderson, Kyle Walker, Ruben Loftus-Cheek, Jesse Lingard
Russia: Aleksandr Golovin, Roman Zobnin, Ilya Kutepov, Fyodor Smolov, Yury Gazinsky
Croatia: Ivan Rakitic, Sime Vrsaljko, Mario Mandzukic, Ante Rebic, Marcelo Brozovic, Vedran Corluka, Tin Jedvaj, Marko Pjaca