Ibra-a'n goal 10 khung tling

Zlatan Ibrahimovic chuan a kalna lam apiang­ah goal khung thei bik a nih zia a tarlang zel. Manchester United striker hlui hian Los Angeles Galaxy tan goal 10 a khung tling leh der tawh.

Ningani khan kum 36 mi Ibra hian a club tana a match 13-na khelin a goal 10-na a khung, Los Angeles Galaxy chu DC United lakah hmahruai pui mah se an goal an venghim thei lo a, 2-2 in an inhnehtawk.

Sweden international hlui hian a club hi MLS Western Conference lamah pariatna a nih pui mek a, match 17 an khelh aṭanga point 22 hmuin hmahruaitu FC Dallas chu point 13 zetin an phak lo mek a ni.