Costa Rica-in coach an ban

Costa Rican Football Federation chuan World Cup khelh zawh takah beisei an phak lo avangin an coach Oscar Ramirez an rawih chhunzawm tawh loh tur thu an tichiang a, kum thum hnuah an thawhhona an titawp.

Thuchhuah siamin Costa Rica FA chuan, "Oscar-a contract neih lai a tawp a, executive committee thutlukna angin Switzerland nen kan inkhelh kha ram team a enkawlna hnuhnung a ni ta. A hnathawh leh min kaihhruai tawhnaah lawmthu kan sawi," an ti.

Costa Rica hian World Cup hnuhnung zawkah khah group khauh tak aṭangin last 16 an inpet kai a, quarterfinal hial an thleng chho thei. Tun ṭum World Cup-ah erawh beisei an phak lo, an match hmasa pahniha Serbia leh Brazil an hneh loh avangin group match hnuhnung ber khelh hmain an beiseina a tawp hman.