PSG-in Buffon an pho chhuak hnai?

Paris Saint-Germain chuan veteran keeper Gianluigi Buffon an lalut dawn niin a lang ta a, khawthlang media te tarlan dan chuan Italian keeper hi Thawh-

ṭanniah contract ziahpui a ni ang a, hemi ni vek hian an khelmual Parc des Princes-ah phochhuahna neih tura ruahmanna siam a ni.

Kum 40 mi Buffon hian season liam ta tawp lam khan Juventus tana khelh chhunzawm a tum loh thu a tichiang a, chawlh erawh a tum lo. Italian keeper leh PSG te hian inremna an nei tawh a, amaherawhchu Financial Fair Play vangin July 1 hma lama tihfel a rem lo.

Tarlan dan chuan Buffon hi nimin khan medical nei tura sawi a ni. A contract ziah tur hi kum khat niin kum khat dang pawhsei theih a ni bawk ang.

Elpui tur?

2006 World Cup-a Italy cham­pion puitu keeper Buffon hian PSG-ah Kevin Trapp leh Alphonse Areola te a elpui dawn. Season liam ta khan manager Unai Emery hnuaiah Areola chu tla tlum zawkin match 43 a inlan a, German keeper Trapp aiin match 12-in a khel tam zawk.

PSG manager thar Thomas Tuchel chuan keeper ṭha pathum aṭangin pakhat a thlan a ṭul dawn a, hna awlsam a ni lo ang. Italian keeper hian chawimawina hrang hrang dawng tawh mah se Juventus tana kum 17 a khelh chhungin Champions League-ah a la champion lo.

Juventus-in keeper ropui Buffon chan tawh mah se Cristiano Ronaldo an hnaih zel avangin ṭum dang zawng aiin season thar an nghakhlel lehzual ang. Real Madrid president Florentino Perez leh a thachhangdawltu Jose Angel Sanchez te chuan Ronaldo leh a agent Jorge Mendes te chu hmuin Portugal captain hian Italy a pan a rinawm ta hle.