Title kawltu Muguruza a tla

Wimbledon champion lai Garbine Muguruza chu Alison van Uytvanck hneh loin second round-ah a tla. Ningani zan inkhelah Muguruza hi world number 47 Van Uytvanck lakah hian 5-7, 6-2, 6-1 in a chak lo.

All England Club-a inkhelah Muguru­za hian beisei a phak lo a, vuak sual a ngah hle. 1994 khan Steffi Graf chu champion lai nichungin first round-ah a tla tawh a, German hranghlui hnuah Muguruza hi champion lai nichunga tla leh hmasa ber a ni.

Inkhel dangah world number 1 Simona Halep chu Chinese nula Saisai Zheng lakah chesual teuh hle mah se 7-5, 6-0 in hnehna a chang a, Ro­manian star hian third round-ah chuan Su-Wei Hsieh a hmachhawn leh ang.

Kumin Wimbledon-ah hian hmei­chhe singles player rinkai zinga mi an che fuh lo nasa hle a, second round thleng an khelh chinah chauh pawh seeded a sang pariat zinga pahnih, pakhatna Halep leh pasarihna Karolina Pliskova te chiah an dam tawh a ni.