Mizoram tan chak a ṭul

Hero Senior Women's National Football Cham-pionships-ah vawiin tlai dar 2:30 hian Mizoramin Madhya Pradesh an hmachhawn dawn. Mizoram hian inelna thlengtu Kerala 3-2 in an hneh a; Elizabeth Vanlalmawi, Grace Lalrampari leh Lalnunsiami ten goal khat ṭheuh an khung. Madhya Pradesh-in Uttarakhand 4-1 in an sawp thung.

Group khat aṭangin team pakhat chauhin team pakhat chauhin quarterfinal an lut dawn a, hemi a nih avang hian EMS Corporation Stadium, Kozhikode-a inkhel tur hi a pawimawh hle. Madhya Pradesh hi an goal difference a ṭhat tawh avangin Mizoram tan quarterfinal lut tur chuan chak a ṭulah a ngaih theih.

Mizoram assistant coach Lalrindika Hmar chuan, "MP hi kan group a seeded an nia, an khingpui te pawh 4-1 laiin an hneh thei a, team ṭha an ni. Mahse mi inkhel result a innghah kan duh lo a, chak tumin theihtawp kan chhuah ang. Kerala laka kan tihsualna kha kan siam ṭhat kan beisei a, kan naute kan ring tawk. Kan zir ṭhin angin ground ball hmangin attacking football khelh kan tum. Zoram mipuite ṭawngṭaipuina kan ngen leh e," tiin Vanglaini a hrilh.