Champion lai Spain an tla

Ram leh ram mipa tennis team hmanga inelna Davis Cup-ah champion lai Spain chu quarterfinal lut zo loin an tla. Spain hian inkhel pawimawhah Russia an ngam loh avangin an zinkawng a tawp.

Russia leh Spain ten singles match pakhatah hnehna an chang ve ve a, tlang turin Spain tan doubles huanga chak ngei ngei a ngai. Mahse, Feliciano Lopez leh Marcel Granollers te chu Andrey Rublev leh Aslan Karatsev te lakah 4-6, 6-2, 6-4 in an tlawm.

Singles match hmasa lamah Spanish tlangval Lopez hian Rublev chu 2-6, 6-3, 6-4 in a hneh a, hma hruai hman zuai mah se player ṭha Daniil Medvedev-a'n Pablo Carreno Busta lakah 6-2, 7-6 (7-3) in hnehna a chang ve thung.

Davis Cup khelh laiah hian Russia bakah - Croatia, Italy, Great Britain, Germany, Kazakhstan, Serbia leh Sweden te chuan quarterfinal an inhlangkai ve bawk.

Quarterfinal Fixtures
29 November, Thawhṭanni
Croatia vs Italy (Turin)

30 November, Thawhlehni
Great Britain vs Germany (Innsbruck)

01 December, Nilaini
Kazakhstan vs Serbia (Madrid)

02 December, Ningani
Russia vs Sweden (Madrid)