Sir Frank Williams a thi

Williams Racing Formula 1 team dintu leh team principal hlui ni bawk Sir Frank Williams chu a thi, kum 79 mi a ni. A hming chawia team din hi tunah pawh F1 team vantlang zinga mi a la ni phak.

Kum 1980 leh 1990 inkar velah khan Williams hian vanglai an hmang a, a kaihhruaina hnuaiah hian team champion pawh vawi kua ngawt an ni tawh a, an driver zingah world champion dinhmun luahtu pasarih an awm tawh.

Williams chhungkua chuan thuchhuah siamin, "Zirtawpni khan damdawi inah dah luh a ni a, thlamuang takin Pathianni khan Sir Frank chu a chawl ta," an ti.