Serie A entu awm theih an beisei

Italy football federation (FIGC) chuan July thlaah chuan stadium chhungah inkhel entu awm leh theih an beisei a, entu an awm a nih pawhin stadium khat chuan a ni nghal lo ang.

Zirtawpni zan khan  Italian football an khel ṭan leh tawh a, a bul ṭan nan Coppa Italia an khel. June 20 aṭang hian Serie A pawh khelh chhunzawm an tum a, a tirah erawh a hmunah entu an awm dawn lo.

FIGC president Gabriele Gravina chuan, "Chanchin lawmawm lam kan hre zel a, tuna kan beisei dan chuan July thlatir lamah chuan a hmunah entu an awm theih tawh a rinawm, thlatirah a theih lo a nih pawhin a tawp lamah tal chuan kan beisei.

"Football lam chuan beiseina kan nei a ni mai a, thutlukna siam tur erawhin sorkar lamin min pawmpui a ngai thung. Hri leng hi pung loa hniam lam a pan zel a nih chuan tun hma ang khan kan khel leh thei thuai ang," a ti.