MBBA Season Opening final-ah Khatla TBL Vs Zarkawt BCA

Mizoram Basketball Association Season Opening Tournament 2021 final chu zanin dar 6:00 hian Armed Veng Community Centre-ah Khatla TBL leh Zarkawt BCA ten an khel dawn. Tualchhung basketball club ṭha pahnihten nomawi an inchuh dawn avangin 'dream final' tia sawi theih a ni.

Khatla TBL hian final lut turin semifinal-ah Mission Veng Hotshots chu 93-64 in an hneh a, quarterfinal-ah RSC 96-54 in an hneh bawk. MSL champion lai Zarkawt BCA hian quarterfinal-ah 79-50 in BC Bethlehem an hneh a, semifinal-ah erawh an khingpui tur LB Associates player zingah Covid-19 positive an awm avangin inkhel loin final an lut.

Mipa basketball final khelh hma hian hmeichhe basektball final leh third place khelh a ni dawn. Tlai dar 2:00-ah Alpha Junior leh LB Associates ten pathumna an zawng ang a, tlai dar 4:00-ah Team Alpha leh Durtlang Mohicans ten champion tur an zawng ang.

Durtlang Mohicans hian semi-final-ah Alpha Junior 42-29 in an hneh a, Team Alpha hian LB Associates 38-25 in an hneh ve thung.