Premier League-in vun rawng inthliarna do dawn

Vun rawng inthliarna duh loa 'Black Lives Matter' campaign kalpui chuan a thleng thui zel a, Premier League pawhin he campaign hi an thlawp tih lantir an tum. 

Premier League chuan league khelh ṭan leh huna an match hmasa 12-ah player-te hming aiin kawr hnungah 'Black Lives Matter' tih an chhu dawn a, June 17 zan hian match hmasa ber chu Aston Villa leh Sheffield United ten an khel ang. 

English top flight league chuan inkhelh hma emaw inkhelh laia vun rawng inthliarna dona lantir nana player an ṭhingṭhi a nih chuan an thlawp tur thu an sawi bawk. 

Hei mai hi a ni lo - season tluanin jersey hmaah Black Lives Matter badge chu dah lan tur a ni a, coronavirus do nana thawk NHS staff-te hnena lawmthu sawina badge chu season tluanin an dah 

dawn bawk. 

May 25 khan mihang pakhat George Floyd chu Minneapolis, USA-ah police kut tuarin a thi a, heta ṭang hian vun rawng inthliarna duh loin khawvel hmun hrang hrangah campaign neih a ni.