Norwich player-in Covid-19 kai

Premier League-in Covid-19 test an neih hnuhnung ber aṭangin mi pahnihin he hrileng hi an kai tih hmuhchhuah a ni a, pakhat hi Norwich City player niin a hming tarlan a ni lo a, pakhat dang erawh puan a la ni lo. 

Ningani leh Zirtawpni khan Premier League-a coronavirus test hi a vawi riat nan neih a ni a, mi 1,200 test an ni. Norwich player, a hming tarlan loh hi ni sarih chhung a inkhunghrang 

zui ang. 

Zirtawpni khan Norwich City hian Tottenham Hotspur nen friendly match an khel a, Tottenham Hotspur Stadium-a inkhelah hian 2-1 in an chak. 

Mahse, Spurs chuan Canaries player positive hi Tottenham player-te nen an inhnaih loh thu an sawi a, an squad leh staff zingah Covid-19 kai an awm loh thu an sawi. 

Premier League ṭan leh tur atana inbuatsaihna inkhelah hian Spurs tan Erik Lamela chuan goal hmahruai khung mah se Norwich hian Josip Drmic leh Mario Vrancic hmangin an chhanglet a, 2-1 in an chak. 

Norwich hian June 19, zan dar 10:30-ah Southampton an mikhual dawn a, an player positive hi chu an inlan thei dawn lo tihna a ni. 

Tottenham hian June 19 zanah vek Covid-19 vanga Premier League chawlh a nih hnua an match hmasa ber an khel dawn a, zan dar 12:45-ah Manchester United an mikhual ang. 

Spurs tan hian hliam vanga an chawlh reng hnuah Harry Kane, Son Heung-min, Moussa Sissoko leh Steven Bergwijn-te chu an lo kir leh tawh a, Spurs ṭantute tan chuan Premier League chawlhlawk kha 'Dil loh zawk malsawmna' tih loh rual a ni lo.