Stipe Miocic tukdawltu Daniel Cormier

Nimin zing khan Daniel Cormier chuan mixed martial artist ropui zinga a tel chhan a pholang leh ta a, Stipe Miocic chu UFC 226-ah first round-ah knock out-in UFC heavyweight champion a ni ta.

Cormier hi UFC light-heavyweight champion lai a ni bawk a, Miocic hmachhawn tur hian heavyweight-ah a insawn chho a, weight category pahnihah champion a ni ta a ni.

T-Mobile Arena-a fight hmuhnawm hi UFC heavyweight champion hlui leh WWE superstar Brock Lesnar chuan a hmunah a en a, Cormier hian Lesnar hi a cho nghal.

Lesnar hian Cormier-a chona hi chhangin octagon-ah a tlan lut hial. Cormier chuan, "Lesnar hi hmachhawn theih ka lo inring ngai lo. Keimah ang thoa wrestler leh American a ni a, Lesnar, octagon-ah lut turin ka lawm a che," tiin a cho hle.