MFA Super Cup

Lalbiakliana Memo­rial MFA Super Cup chu vawiin hian Lammual leh Rajiv Gandhi Stadium-ah khelh chhunzawm a ni a, vawiin inkhel tur paruk hi last 16 vek a ni. Vawiin chhun dar 12:30 hian match hmasa bera goal 11 ngawt khungtu Bethlehem Vengthlang FC chu Hmunṭha club J&C FC nen Lammualah an inhmachhawn ang.

Lammualah hian Lengpui FC leh Bung­kawn te chawhma dar 10:30-ah an inkhel ang a, chawhnu dar 2:30-ah Dinthar FC leh LKS Hnah­lan te an inkhel bawk ang.

Rajiv Ganhdi Sta­dium-ah Kanan Veng FC leh Durtlang Ramthar FC te match hmasa ber an khel ang a, Chawnpui hnehtu Aizawl FC Academy-in chhun dar 12:30-ah Leite GSA an hmachhawn dawn.

Veng leh veng inelnaa hming ṭha Armed Veng chu Aizawl DFA hnuaiah third division club ni turin an inziak lut a, tlai dar 2:30-ah Ramhlun North FC Jr hmaah fiahna an hmachhawn ang.

Inrinni khan RG Sta­dium-ah inkhel pathum awmin Mizoram Police, Phul­pui FC leh East Lung­dar 1911 FC ten hnehna an chang.