Afridi-a'n Covid-19 a kai

Pakistan cricket captain hlui Shahid Afridi chuan coronavirus-a kai tih hmuhchhuah a ni a, kum 40 mi all-rounder hian twitter lamah Covid-19 a kai thu hi a puang. 

Afridi chuan, "Ningani aṭang khan ka awm a nuam lo ṭan a, ka taksa sil ṭhem ṭhum avangin ka inentir. Vanduaithlak takin Covid-19 ka lo kai a ni," a ti a, a fan-te chu amah ṭawngṭaipui turin 

a sawm zui. 

Kum 2018 hnuah khan Afridi hi Pakistan tan a inlan leh tawh lo a, ram tan test 27-a khelh bakah one-day international match 398 a khel a, Twenty20 match 99-ah a inlan bawk. 

Pakistan-ah hian tun hnaiah Covid-19 kai an pung nasa a, BBC-in a tarlan danin he hri leng kai hi mi 132,000 an chuang tawh a, mi 2,551-in an thihpui.