United-in C'ship club West Brom an hneh lo

Zirtawpni khan Manchester United leh West Brom ten Old Trafford-ah friendly match hnih an khel a, Paul Pogba leh Bruno Fernandes te inkawpna team-in West Brom 2-1 inan hneh lo. An vawi hnih inkhelhnaah erawh United-in 3-1 in hnehna an chang.

Ole Gunnar Solskjaer-a hote hi Stoke City nen friendly match khel turin ruahmanna siam hman mah se an khingpui tur manager Michael O'Neill-a'n Covid-19 a vei tih hmuhchhuah a nih avangin ṭhulh leh hnuhnawh a ni.

Friendly match hmasa zawk hi anmahni huna tlai dar 1:00 velah khelh a ni a, hetah hian Pogba leh Fernandes te an inkawp. Midfielder ṭha pahnih inkawp hi United ṭantuten Premier League an nghahhlelh chhan a ni a, theihna sang tak a neih avangin an hmuhnawm ngei pawh a rinawm.

Baggies nen hian Fernandes-a'n goal a khung a, amaherawhchu mikhual team hian Matt Phillips leh Kenneth Zohore te hmangin second half-ah an lehthal. Marcus Rashford leh Anthony Martial te pawh an inlan bawk.

Darkar hnih hnuah friendly match vawi hihna khelh a ni a, Odion Ighalo chu United hma tawngah a awm thung. Andreas Pereira goal hnih hmangin United-in dinhmun an sawhnghet a, Baggies tan Kyle Edwards-a'n siphurh sut ṭhen mah se substitute Tahith Chong-a'n chak nemnghehna goal khungin 3-1 in an chak.

Solskjaer hote hian June 19, Zirtawpni zanah Tottenham Hotspur a tlawh dawn a, an manager hlui Jose Mourinho hote an nih avangin inkhel a châkawm hle. 

United hian an goalkeeper Dean Henderson chu Sheffield United-ah tun season chhung loan hmanga khelh tluan an phalsak a, English keeper hian season ṭha tak a hman avangin season tharah David de Gea chungchang ngaihtuah a ngaih phah ang.