Inkhelhna tur Saint Petersburg Stadium

Saint Petersburg Stadium hi Krestovsky Stadium tiin khawtual mi te chuan an sawi a, Russian club Zenit Saint Petersburg chuan kum 2017 aṭangin khelmual atan an hmang a, ṭhutna hi 65,000 vel zet a awm.

Stadium hi Japanese architect Kisho Kurosawa design a ni a, a chung khuh hi a hawn theih bakah a pitch pawh a tawlhsawn thei a. Thlasik lai pawhin stadium chhung hi 15°C a ni reng thei a, Russia ram khaw vawt pawhin a tibuai ngai lo tihna a ni.

Tun ṭum inelnaah hian match nga khelh a ni tawh a; chung inkhel te chu Morocco 0-1 IR Iran, Russia 3-1 Egypt, Brazil 2-0 Costa Rica, Nigeria 1-2 Argentina leh Sweden 1-0 Switzerland te a ni a. Zanin semifinal bakah hian pathumna inchuh nan hman a ni leh bawk ang.