Chak vek kan tum - Rozara

Hero Senior Women's National Football Championships-ah Mizoramin quarterfinal an lut tawh a, vawiin tlai dar 2:30 hian EMS Corporation Stadium, Kozhikode-ah an match hnuhnung berah chak la nei lo Uttarakhand an hmachhawn dawn.

Group G inkhel dangah inelna thlengtu Kerala leh Madhya Pradesh te an inhmachhawn dawn a, group pakhat aṭangin team pakhat chauh an tlin dawn avangin quarterfinal luh beisein an nei tawh lo. Inelnaah hian head to head en tur a ni a, hmeichhe team ṭha pahnih hi Mizoramin an hneh ve ve.

Mizoram coach F. Lalrozara chuan, "Quarterfinal kan lut tawh a, team pawh kan insiksawi ang. Chutihrualin tute pawh lut se chak ngei kan tum dawn a, group match pathuma chak vek hi kan duh," tiin Vanglaini a hrilh.

Mizoram hian quarterfinal-ah group E aṭanga tlang an hmachhawn dawn a, Maharashtra emaw Sikkim emaw an hmachhawn thei ang. Maharashtra leh Sikkim te hi December 3, Zirtawpni tlaiah an la inkhel dawn.

Thlirna Tawi
November 28, Pathianni
Madhya Pradesh 4 - 1 Uttarakhand
MAD : Madhu Raghav 21'; Arti Rathore 50', 56'; Pallavi Goswami 90+3'
UTT : Bhagwati Chauhan 73'
Kerala 2 - 3 Mizoram
KER : Athulya KV 44'; Femina Rag Valappil 45'
MIZ : Grace Lalrampari 39'; Elizabeth Vanlalmawii 79'; Lalnunsiami 90+3'

Nimin Inkhel Results
Uttarakhand 1 - 3 Kerala
UTT : Bhagwati Chauhan 52'
KER : Vinitha Vijayan 44'; Manasa K 75'; Femina Rag Valappil 86'
Mizoram 4 - 0 Madhya Pradesh
MIZ : Lalnunsiami 11'; Elizabeth Vanlalmawii 46'; Zairemmawii Chawngthu 49' ; Grace Lalrampari 54' (P)

Vawiin Inkhel Tur
Madhya Pradesh 09:30 AM Kerala
Mizoram 02:30 PM Uttarakhand