German lakah Britain an tlawm

Davis Cup quarter-final-ah Great Britain an tla. Dinhmun ṭha zawka an din hnuah Britain hi Germany hneh loin an zinkawng a tawp, inkhel hnuhnung leh pawimawhah Kevin Krawietz leh Tim Putz te chuan German an chakpui.

Singles match hmasa lamah ram pahnih ten hnehna an chang ve ṭan a, doubles hmangin tlang zawk tur chinfel a ni. German pair hian British team aiawha inlan Joe Salisbury leh Neal Skupski te chu 7-6 (10), 7-6 (5) in an hneh.

Set khatnaah Krawietz leh Putz te hian set point vawi nga ngawt an inchhanhim a, tie break bikah phei chuan 5-0 ngawta an hnufual hnuah an tho chhuak leh thei a, an beidawn duh loh rah an seng.

Austria rama Davis Cup quarterinal final inkhel hi a hmunah entu an awm lo, hripui leng a hluar leh avangin fans hi an awm thei lo. Quarterfinal match dangte hi chu Spain khawpui Madrid lamah khelh a ni dawn.