Suns lakah Warriors chak lo

NBA regular season bul ṭan fuh tak pahnih inkhelah Phoenix Suns chuan Golden State Warriors 104-96 in an hneh a, team pahnih hi kumina an chak loh zat chu vawi thum ve ve a ni ta chiah.

Suns hian an player pawimawh Devin Booker chu quarter hnihnaah malpui hliam vangin an chân a, mahse DeAndre Ayton-a'n point 24 a neih bakah rebound vawi 11 la bawkin a team a chakpui.

Golden State thiam-puipa Stephen Curry chuan ni dang a phak lo, point 12 chauh a nei. GSW tana Jordan Poole-a point 28 neih chu team chakpui nan a tawk zo lo.

Inkhel dangah Los Angeles Lakers chuan Sacramento Kings chu 117-92 in an hneh. Lakers tan hian LeBron James chu inlan tura ngaih ni mah se, hrileng chungchanga inkaihhruaina thil vangin a inkhel ve thei ta lo a ni.