Srikanth a inhnukdawk

Tunkar chhunga khelh tur Thailand Open aṭangin Kidambi Srikanth a inhnukdawk a, mipa singles huangah Indian shuttler dang Sameer Ver­ma leh Parupalli Kashyap te an inlan thung dawn a ni.

Season hmasa a Super Series title pali ngawt la thei Srikanth hian kuminah beisei a la phak lo, kar hmasa khan nomawi a kawl mekah Indonesia Open-ah inlan mah se a match hmasa berah Kento Momota a ngam lo nghal a, Malaysian Open-ah pawh Japanese shuttler tho hi a ngam lo.

Kum 25 mi Srikanth chuan, "Hliam vangin Thailand Open aṭanga inhnuhdawh a ngai hi chanchin ṭha lo tak a ni a, World Championship-ah erawh ka inlan thei ngei ka beisei," tiin July 30 aṭanga Nanjing, China-a khelh turah erawh inlan ngei a tum thu a sawi.

Thailand Open mipa singles khel tur Verma-a'n a match hmasa ber atan khawtual tlang­val Tanongsak Saen­somboonsuk a hmachhawn dawn a, Kashyap erawhin seeded pakhatna Shi Yuqi a hmachhawn nghal dawn.

Hmeichhe singles lamah India-in medal a beiseina P.V. Sindhu-i'n Linda Zetchiri hma­chhawnin, first round inkhel dangah Olympic bronze medalist Saina Nehwal chuan Busanan Ongbamrungphan a tum ve thung ang.