United neituin cricket club a lei

Manchester United co-chairman Avram Glazer chuan inelna thar United Arab Emirates Twenty20 league-ah club a lei. UAE T20 league-ah hian team paruk awmin match 34 a awm dawn a, nakkum February leh March chhunga khelh a ni ang.

Kum 61 mi Glazers chuan, "UAE T20 din thara ka tel ve thei hi ka lawm. Inelna hi khawvel huap pawha ṭha a nih phak beisei a ni a, UAE-ah nasa takin cricket-in hma a sawn theih phah ang," tiin a sawi.

Glazers hi NFL Super Bowl champion Tampa Bay Buccaneers neitu an ni a, kum 2005 khan Manchester United-ah thuneihna pum hlum an nei. Chutihrualin kumin October thla khan Indian Premier League-ah club neih tum mah se auction-naah an hlawhtling ta lo.