World Muaythai Championship-ah Mizo

December 5-12 chhung hian World Muaythai Championship chu Bangkok, Thailand-ah khelh a ni dawn a, inelna hmachhawn turin Mizo player panga an feh chhuak ang.

Inelna bakah hian referee & judge exam chi hrang hrang hmachhawn turin Mizo pathum an tel bawk ang.

World Muaythai Championship-a tel tur Mizote hian vawiinah Aizawl chhuahsanin Chennai an pan ang a, India aiawha tel tur player dangte nen Chennai aṭangin Bangkok an pan zui leh nghal dawn a ni.

October thlatira India aiawh tur thlanna neih a nih hnuah, Mizo player-te hian Alpha Martial Arts & Fitness Gym, Bawngkawn-ah training ngawrh takin an nei zui nghal a, a tirah Mizo player pasarih thlan an ni a, pahnihte chu harsatna avangin an tel thei dawn lo a ni.