Mizoram an inhnehtawk

Mizoram hmeichhe team chuan Hero Senior Women's National Football Championship-a an match hnuhnung berah Uttarakhand nen goal awm loin an inhnehtawk a, point sarih hmuin group G pakhatna a ni.

Mizoram hian inelna thlengtu Kerala 3-2 in an hneh a, Madhya Pradesh 4-0 a an hneh bawk avangin quarterfinal an lut chiang. An dinhmun ṭha sa belhchhah turin turin an inkhelh hmain Madhya Pradesh leh Kerala te 1-1 in an inhnehtawk bawk.

Quarterfinal lut tawh Mizoramin player an siksawi a, Uttarkhand lamin goal chhuah loh tumin tlarhnungah an inrem khawm thung. Field chanveah an inkhel a, Mizoramin goal an khung theih loh avangin 0-0 in an inhnehtawk.

Mizoram Asst. coach Lalrindika Hmar chuan, "Chak kan duh a, kan naute pawh an khel ṭha. Amaherawhchu kan khingpuite kha an inrem phui em a, goal kan khung thei ta lo a ni," tiin Vanglaini a hrilh.