Goal 800 khung thei Ronaldo

Cristiano Ronaldo chuan match 1,097 aṭangin goal 801 a khung a, football history-a club leh ram tana top level-a goal 800 khung thei hmasa ber a ni.

Kum 36 mi Ronaldo hian Man United tan goal 130 a khung a, a bul ṭanna Sporting Lisbon tan goal nga khungin a ropuina hmun Real Madrid-ah goal 450 khungin Juventus tan goal 101 a khung. Man United forward hian Portugal tan goal 115 a khung bawk a, ram tana goal khung tam ber a ni bawk.

Czech football association chuan Josef Bican-a'n goal 821 khung angin an chhal a, amaherawhchu a goal khungah hian reserve team tana a khung leh FIFA pawmpui loh ram tana inkhelh a tel.

Brazil legend Pele leh Romario ten goal 1000 aia tam khung angin an inchhal ve bawk a, amaherawhchu friendly match te paih hnuah goal 700 velah an tla thla.

Unofficial statisticians RSSSF tarlan danin Pele (769), Romario leh Ferenc Puskas (761 ve ve) te chu Ronaldo hnaih ber an ni a, tuna inkhel laia amah hnaih bertu chu Lionel Messi a ni. Argentina capain hian Argentina (80), Barcelona (672) leh Paris St-Germain (4) tan goal 756 a khung.