Mizoram hmaah Maharashtra

Hero Senior Women's National Football Championships-ah Mizoram hmeichhe team-in a vawi khat nan quarterfinal an lut a, Pathianni tlai dar 2:30 hian Maharashtra nen EMS Corporation Stadium, Kozhikode-ah an inkhel ang.

Mizoram hian group match-ah inelna thlengtu Kerala 3-2 a an hneh hnuin an group-a team ṭha bera ngaih Madhya Pradesh 4-0 in an sawp. An match hmasa pahnih thlirin Mizoram hi an ṭha tawk tih a lang a, chutihrualin team nem ber Uttarakhand nen goal awm loa an inhnehtawk zui avangin semifinal thleng tur chuan vanneih a ṭul dawn.

Maharashtra hian Arunachal Pradesh (6-0) leh Jammu & Kashmir (2-0) te an hneh hnuin group hmahruaitu zawnnaah Sikkim nen nimin khan 1-1 in an inhnehtawk.

Mizoram assistant coach Lalrindika Hmar chuan, "Pathian kaihhruaina vang liau liau a ni. Quarterfinal-ah hian chak ngei kan duh a, chutiang tur chuan theihtawp kan chhuah dawn a, kan player-te leh kan khelh dan hmang kan ring tawk," tiin Vanglaini a hrilh a, inhliam vanga player pahnihin training an neih loh thu a sawi bawk.

Quarterfinal Kalkawng
November 28, Pathianni
Kerala 2 - 3 Mizoram
KER : Athulya KV 44'; Femina Rag Valappil 45'
MIZ : Grace Lalrampari 39'; Elizabeth Vanlalmawii 79'; Lalnunsiami 90+3'

December 30, Thawhlehni
Mizoram 4 - 0 Madhya Pradesh
MIZ : Lalnunsiami 11'; Elizabeth Vanlalmawii 46'; Zairemmawii Chawngthu 49' ; Grace Lalrampari 54' (P)

December 2, Ningani
Mizoram 0 - 0 Uttarakhand