KDB-a'n training a zawm

Manchester City fan-te tan chanchin lawmawm em em hriat tur a awm a, Covid-19 vanga match li ngawt a inlan theih loh hnuah club training a zawm ve leh ta.

Pep Guardiola enkawl City hian zanin dar 11:00-ah league match khel turin Watford an lenchilh dawn a, Claudio Ranieri enkawl Watford tan chanchin lawmawm a ni lo ang.

KDB hi Manchester United 2-0 a an hneh ṭum kha City jersey ha chunga a inlan hnuhnung ber a ni a, international break-ah Belgium tan inlan zuiin Covid-19 a kai a ni.

Mahse, City hian KDB awm loh hlanin harsatna an tawk lo - league match thumah an chak vek a, Champions League-ah 2-1 in Paris Saint-Germain an hneh bawk.

Zanina City-in an chhawr duh dawn leh dawn loh chu Pep Guardiola kuta awm a ni tawh. Zanina an lenchilh tur Watford hi Chelsea laka 2-1 a tlawm hlim an ni a, mahse, an result hnuhnung ber aṭanga teh ngawt chi an ni lo.

Coach tawnhriat nei ṭha Ranieri hnuaia insiamṭhat tum mek an ni a, 4-1 a Manchester United an hnehna inkhel en tan phei chuan chetsual theihna an ni tih a chiang - a awih lo tan Vicarage Road-a tlawm avanga ban tak Ole Gunnar Solskjaer zawh theih a ni!