Roma mikhual tur Inter Millan

Jose Mourinho chuan zanin dar 10:30 hian tun hma lama a enkawl tawh Inter Milan a mikhual dawn. Portuguese manager hi tunah chuan AS Roma enkawltu a ni tawh a, a hmangaih hmasa zawk Inter lakah zahngaihna lantir a tum lo ang.

Tun hnaiah Roma hi an tlahniam - Serie A aṭangin Champions League pawh an khel phak lo. Mourinho neiin season bul ṭan fuh mah se an zuih leh mek a, tunah hian pangana an ni mek; Inter an phak lohna chu point kua a ni.

Roma hian an match hnuhnung berah Tammy Abraham-a goal khat hmangin Bologna chu 1-0 in an hneh a, goal khung tam lo mah se a naute khelh danah Mourinho a lawm - Inter lakah pawh result ṭha neih chhunzawm an tum ang.

Mourinho chuan, "Inter hmachawn tura inbuatsaih nan chuan Bologna hneh kha a pawimawh, ka naute hian theihtawp an chhuah a nih phawt chuan eng team pawh kan hlau tur a ni lo," tiin a sawi.

Champion lai Inter tan pawh chetsual a thiang bik dawn lo. Nerazzurri hian hmahruaitu Napoli leh AC Milan te an phak lo mek a, nomawi humhim an duh a nih chuan chetsual khut khut a rem bik lo a ni.

Inter coach Simone Inzaghi chuan, "Match hmasa zawkah Alessandro Bastoni, Stefan de Vrij leh Andrea Ranocchia te tel loin kan khel a, kan chak hram. Roma lakah pawh anni pathum dinhmun tur hi sawi chian theih a la ni lo.

"Player pawimawh an awm lo a nih pawhin a khel thei ten ṭha taka an khelh zel hi a pawimawh. A bik takin tlarhnung lamah kan indaih lo deuh, harsatna kan tawh lai chu a chinfel dan kan hriat ngei ka beisei," a ti.