Saints keeper thar Gunn

Southampton chuan England Under-21 goal­keeper Angus Gunn chu Manchester City aṭangin pound makatduai 13.5 in an la chhuak. A man zat hi pound maktaduai 10 pek phawt tur niin, maktaduai 3.5 dang hi a hnua pek belh leh tur a ni ang.

Kum 22 mi Gunn hian season hmasa khan loan hmangin Norwich tan a khel a, Championship club hi a pa Scotland goalkeeper Bryan Gunn khelh tawh ṭhinna a ni. Gunn hi player hmabak nei eng tak ni mah se Ederson leh Claudio Bravo te a tluk loh avangin inkhelh tam theihna tur hmun a pan.

Premier League club Saints manager Mark Hughes-a'n a squad a thuam chhah mek zel a, tun nipui chhungin Scotland midfielder Stuart Armstrong leh Mohamed Elyounoussi te a lalut tawh bawk a, Denmark centre defender Jannik Vestergaard nen sawi zawm mek an ni bawk.