Newcastle-ah Kenedy

Newcastle United chuan Brazilian winger Kenedy chu Chelsea aṭangin season khat chhung atan loan hmangin an hawh. Kum 22 mi Kenedy hi season hmasa chawhnu lam zawng pawh kha an lo hawh tawh bawk a ni.

January thla khan Kenedy hian Newcastle zawm tawhin Premier League match 13 a khel a, goal hnih khungin a ṭhiante khung tur vawi hnih dang a siam sak bawk. March thla khan an club Player of the Month atan thlan a ni hial.

Newcastle hian tun nipui bazar chhungin Martin Dubravka leh Ki Sung-yueng te an lalut tawh bawk a, winger Kenedy hi an player pathumna a ni chiah. Rafael Benitez-a naute hian an match hmasa ber atan August 11 hian Tottenham Hotspur an hmachhawn ang.