LDFA Super Cup
Lunglei District chhunga football club hrang hrangte division thliar lova inelna LDFA Super Cup chu Ṭhuamluaia Mualah khelh mek a ni a, vawiin hian inkhel pahnih a awm leh ang.
Tun ṭumah hian Lunglei khaw chhunga affiliated club hrang hrang bakah Lunglei khaw pawn aṭangin Lungsen FC an rawn tel, tournament hi knock out system a khelh niin ruahman lawk ang chuan July 27 hian final khelh tur a ni.
Tournament-ah hian Lunglei Super League club-te chuan round of 16 aṭangin an khel ṭan chauh a, a bak Championship Club (second division) team 3 chu first round-ah hian bye in round of 16-ah team dangte an zawm bawk.