State Boxing-ah Serchhip Dist champion

D3 Business Enterprise Mizoram State Boxing Championship vawi 42-naah inelna thlengtu Serchhip District Boxing Association chuan Medal 20 la in an champion.

Serchhip Boxing Hall-ah inelna hi November 29 - December 3, Zirtawpni chhung khan neih a ni a, Mizoram district pakua aṭangin boxer 145 an tel.

Serchhip District chuan gold medal 12, silver pahnih leh bronze paruk an la a, pahnihna Aizawl District-in gold medal pakua, silver pathum leh bronze paruk an la bawk.

Serchhip District Boxing Asso-ciation chuan Mizo hmeichhe boxer Lalbuatsaihi hnenah chawimawina an hlan. Tuithiang nula BS-i hian Dubai-a neih Elite Mens & Women’s Asia Boxing Championship 2021-ah 64kg category-ah telin silver medal a la.

Mimal Chawimawina
Most Promising Boxer
K. Lalhruaitluanga Lawngtlai
Zoramchhani Aizawl

Best Challenger
Vanlalchhuanawma Saitual
Rebecca Lalfakawmi Mamit

Best Boxer
Lalnunzira Lunglei
L. Vanlalduatsangi Siaha