PV Sindhu tan silver medal

BWF World Tour Finals-ah PV Sindhu chuan gold medal match thleng mah se a vanduai zawkah a ṭang a, a khingpui An Seyoung chu 16-21, 12-21 a a hneh loh avangin silver medal-ah a lungawi a ngai.

World champion ni lai Sindhu hian a tir aṭangin beisei a phak lo, minute 39 an inkhelh hnuah world number 6 Seyoung zawkin hnehna a chang. Tun hnaiah Korean star hian Indonesian Masters leh Indonesia Open title a la bawk.

India nula Sindhu hi BWF World Tour Finals-ah vawi thum a inlanna a ni a, 2018 khan a lo champion tawh. Indian player zinga champion thei awmchhun a ni a, final a luh vawi hnihnaah erawh a vanduai zawkah a ṭang.