Thlasikah World Cup

World Cup 2022 chu a vawi khat nan thlaksik laiin khelh a ni dawn, football khawmpui lian ber Qatar-in a thlen tur hi November 21 aṭanga December 18 chhunga khelh a nih tur thu FIFA president Gianni Infantino chuan nimin tlai khan a sawi chiang.

World Cup hi dan pangngai chuan nipui laiin khelh a ni ṭhin a, ram hrang hranga league lian ho chawlh lai a ni. Infantino chuan, "Khawvela league hrang hrangte chu hrilh an ni tawh a, an insiamrem mai ang," tiin a sawi.

FIFA vice president Jim Boyce chuan, "Ni 28 chhung chauh a ni dawn a, damchhung a khelh tur tihna a ni kher lo. Tun hma zawng aiin player tan a nawm kan beisei," a ti. Qatar-ah hian kum dang ang a nih chuan November thla hian khaw lum lam chu 20 degrees celsius vel ni tura beisei a ni.