India an chak lo

India chuan England nen ODI series vawi nga an khelh tura a vawi hnihnaah Inrinni khan 86 runs in an chak lo.

England chuan bat hmasain wicket sarih hlohin run 322 an siam a, Joe Root chuan run 113 siamin ODI century vawi 12-na a ni a, David Willey chuan thi loin ball 31-ah run 50 a vaw chhuak bawk.

India tan captain hlui MS Dhoni chu paruknaah rawn lutin hetah hian India hian run 140 siamin wicket li an hloh tawh. Dhoni hian defensive game rawn khelin ball 59-ah run 37 chiah a siam a, over 47-naah thi chauhin India-in run 236 chiah an tlin a, a khelh dan hmuhnawm loh tak avangin entu mipuiin an 'boo' hial.

Inkhelh banah India captain Virat Kohli chuan, "Amah chauh ni loin tupawhin khelh fuh loh ni kan nei a. Dhoni pawh a khelh ṭhat niah chuan an fak chiam a, khelh ṭhat tawk lo niah an sel thung," tiin a sawi.