Ajax-ah Blind a kir dawn

Daley Blind chu tun hma lama a khelh tawhna Ajax-ah a kir leh dawn, Manchester United chuan an player hi pound maktaduai 18.5-in an hralh phal tawh a, a man zat hi la pung chho thei tura tih a ni.

Kum 28 mi Blind hian 2014 khan Ajax aṭang­in Man United hi pound maktaduai 13.8-in a zawm a, khatihlaia an manager chu a hnam pui Louis van Gaal a ni. Van Gaal kaihhruaina hnuaiah defence leh midfield-ah chhawr kawp ṭhin niin hmun lailum a chang a, manager dang Jose Mourinho a rawn lan hnuah erawh Old Trafford-ah hmun lailum a chang phak tawh lo.

Dutch club hian kum li chhung atan an lalut dawn a, 2016 FA Cup leh Europa League nomawi an chawi ṭum khan United tan a inlan phak a, Ajax lamah chuan player pawimawh la ni phak tura ngaih a ni.