Star-in cement man an tihniam
Aizawl SP C Lalzahngoa chuan, cement rate chungchanga Mizo Students Union (MSU) President-in FIR a thehluhna kal zelah leh police-in an bawhzuina avangin Star Cement-te chuan nimin aṭang khan cement man Rs. 8-a an tihhniam thu a sawi.
C Lalzahngoa hian nimin khan a pisaah thuthar thehdarhtute a kâwm a; July 12, 2018 khan MSU-te'n cement company pathum - Dalmia, Star leh Top-Cem-te'n an inremna an bawhchhiat avangin FIR an thehluh thu sawiin, "Hemi denchhen hian Aizawla cement company pathum hotute koh an ni a, an rate tihhniam dan tur ngaihtuah tura hrilh an ni," a ti.
FIR kal zelah July 15, Inrinni khan Kolkata leh Guwahati-a Star Cement hotute Aizawlah an rawn kal thu sawiin Aizawl SP chuan, "Inrinni tlai dar 6 khan ka pisaah kan inkâwm a, cement man an tihsanna Rs. 15 aṭangin Rs. 7-a tihhniam an remti ta a ni," a ti a; cement company dang pakhat pawhin nimin aṭang khan an rate an tih-hniam ve nghal thu a dawng tih a sawi bawk.