India squad-ah Mizo panga

SAFF Championship 2018 khelh tur atan India coach Stephen Constantine chuan player naupang rual a thlang a, Sunil Chhetri leh Jeje Lalpekhlua te ho chawlh hahdamtir an nih laiin Mizo panga a ko.

September 4 aṭanga khelh ṭan tur inelna atan hian Mizo tlangval Lalruatthara, Jerry Lalrinzuala, Daniel Lalhlimpuia, Lallianzuala Chhangte leh Isaac Vanmalsawma te chu koh zingah an tel a ni.

India team hian July 28 – August 16 inkar chu New Delhi-ah training an nei ang a, August 17-ah Australia-ah practice match khel turin an zin chhuak ang.

Bangladesh-a khelh tur SAFF Championship-ah hian Group A-ah Bangladesh, Bhutan, Nepal leh Pakistan an awm ang a, Group B-ah India hi Sri Lanka leh Maldives nen an awm thung–group pahniha a sang pahnih hian semifinal an khel dawn a ni.