In chhuang tur kan ni - Modric

Croatia captain Luka Modric chuan World Cup final-ah hnehna chang zo lo mah se an thlen chinah lawm tur an nih thu a sawi a, "Kan hnathawh enin in chhuang tur

kan ni," a ti.

Real Madrid midfielder chuan, "World Cup nomawi kha kan hnaih em em a, hun rei tak chhung chu kan rilruah a cham reng ang. Amaherawhchu kan theihtawp kan chhuah avangin inchhuang taka awm tur kan ni.

"A bik takin inkhelh zawha fan-te min ṭawiawmna ka hmuh khan ka hlim lehzual a ni. Hna ropui tak kan thawk a, chutihrual chuan champion kan hnaih hle tih hriat chuan pai dam a harsa em em a ni," tiin a ui thu a sawi.

Modric chuan inkhel thlirkirin, "Huaisen takin kan bei a, kan theihna zawng zawng kan pe a, mahse kan vanduai a ni. Minute tam zawk kha chu team ṭha zawk kan ni a, mahse vanduaina leh ho taka kan goal chhuah ten min hrem a ni," a ti.

Kum 32 mi midfielder hian nomawi chawi lo mah se inelnaa player ṭha ber chawimawina Golden Ball erawh a dawng tho a, Modric chuan, "Ka ṭhiante puihna a dawng ka ni," tiin a ṭhiante a fak.