Chelsea-in Szalai lalut dawn

Hungary coach Marco Rossi chuan national team-a a defender Attila Szalai chuan January-ah Chelsea a zawm tur thu a sawi a, Fenerbahce centre back manah hian Blues chu pound maktaduai 20 bawr vel seng tura ngaih an ni.

Hungary coach Rossi chuan, "Spain-a club lian tak tak pawhin Szalai hi an dawr a, mahse, January-a Chelsea zawm turin tihchian a ni tawh," a ti a, inbiakna an nei fel tawh ngei niin a lang.

Premier League club dang pawhin an enthlak nia an sawi Szalai-a agent-te chu thla hmasa khan London khawpuiah hmuh an lo ni tawh a, Hungary coach-in Chelsea a pan tur thu a rawn nemnghet leh ta.

Chelsea hian an centre back neih lai Thiago Silva, Antonio Rudiger leh Andreas Christensen te chu contract thar pek tumin an dawr mek a, Malang Sarr chu AC Milan-in an duh bawk.

Blues hian zanin dar 11:15-ah Champions League group stage-a an match tawp ber khel turin Zenit Saint Petersburg an lenchilh dawn a, last 16 an lut chiang tawh - hetihrual hian an chak loh chuan group hmahruaitu nihna hloh thei an ni a, khelh chhan nei lo an ni lo.

Chelsea ang thoa last 16 lut tawh Juventus chuan zanin dar 11:15-ah vek Malmo an mikhual bawk ang.